Ол үндеу жолдаған нақты елдерді атамады
НАТО бас хатшысы Йенс Сиолтенберг Солтүстік Атлантикалық альянс елдерін Киевке Ресей Федерациясының территориясындағы әскери нысандарға өзіне берілген қарумен шабуыл жасауға рұқсат беруге шақырды, деп хабарлайды Sarbaz.kz DW басылымына сілтеме жасап.
Столтенбергтің айтуынша, Ресейдің Харьков облысындағы мамыр айында басталған шабуылына Украинаның «Ресей аумағындағы заңды әскери нысандарға» шабуыл жасау үшін Батыс елдері берген қаруды қолдануға рұқсатының болмауы себеп болды. Енді одақтастар бұл мәселені қарастыратын кез келді. олар Украинаға берген қаруды қолдануға қойған кейбір шектеулерді алып тастау керек.
Ол үндеу жолдаған нақты елдерді атамады, бірақ The Economist басылымының жазуынша, Столтенберг Украинаның негізгі донорларының бірі саналатын АҚШ-қа жүгінген.
Йенс Столтенберг Ресей әскерінің Харьков маңындағы шабуылдары Украинаның шығысындағы майдан шебін бұзып өтетініне сенбейді.
Олар алға жылжып, кішігірім табысқа қол жеткізуі мүмкін. Алайда олар осы болмашы артықшылықтар үшін өте жоғары баға төлейді, – деді НАТО Бас хатшысы.
Сонымен бірге, Столтенберг Солтүстік Атлантикалық альянс Ресейдің Украинаға қарсы соғысын күшейтуге немесе оның «Еуропадағы Ресей мен НАТО арасындағы толыққанды соғысқа айналуын» қамтамасыз етуге ұмтылмайтынын нақтылады. Ол Украинаға НАТО құрлық күштерін жіберу мүмкіндігін жоққа шығарды.
