Әскер – өте күрделі құрылым. «Мемлекет ішіндегі мемлекет» деген анықтама осы әскерге қатысты айтылғандай. Тектері, түрлерінің әралуандығы өзінше, күнделікті қызметін реттейтін, белгілі бір жүйеге келтіретін қызмет түрлері тіпті жетіп артылады. Барлығы маңызды, барлығы қажет. Бұл тізімде Отан қорғаушысы – сарбаздың қас-қабағына қарап, дұрыс бағыт-бағдар беретін тәрбиеші-офицерлердің алар орны тіпті ерекше. Тек сарбаз емес, жалпы, әскери қиім кигендердің әлеуметтік және құқықтық түрғыда қорғалуы маңызды мәселелер қатарынан екені белгілі. Сондықтан, төл әскеріміз құрылған тұста, қабылданған алғашқы Заңдардың бірі осы мәселені қамтыған құжат еді. Дәлірек айтқанда, Қарулы Күштер жүйесіне Тәрбиеші-офицерлер институтын енгізу туралы болған. Қазақ әскерінің, орын алған қиындықтарға қарамастан, аяғынан нық тұрып кетуіне бұл қадам да өзінің оң ықпалын тигізгенін кейінгі жерде уақыт дәлелдеп берді.

Қазақстан Республикасы Қарулы Күштері Әуе қорғанысы күштерінің С-300 зениттік-зымырандық дивизионында егіз сарбаздар – Тұрар мен Әли Отан алдындағы қасиетті борышын абыроймен атқарып жүр. Жоғары білімді, спортты серік еткен егіздер үшін әскери қызмет – тек міндет қана емес, елге деген шынайы құрмет пен жауапкершіліктің айқын көрінісі.

Осыдан тұп-тура 42 жыл бұрын Отан алдындағы абзал борышымды өтеп жүрген едім. Табаны күректей 42 жыл. Қазан, 1983 – желтоқсан, 1985. Бүгінгі күннің биігінен көз салсам сағынышпен еске алар керемет шағым екен ғой. Романтика. Жалындап тұрған жастық шақ. 2 жылдық мерзімді қызметті атқарып келуге асықты ғой замандастарым. Әскер қатарында болмағандар (шақырылып үлгермегендер) өзін қатарластарынан кем сезінетін. Тіпті, қыздармен киноға баруға қуыстанатын. Әскерге шақырылуымның астарында осы мәселе жатқаны да өтірік емес.

Мемлекет басшысы Қасым-Жомарт Тоқаев 2026 жылды «Цифрландыру және жасанды интеллект жылы» деп жариялады. Яғни, осы қадамы арқылы Қазақстанды халықаралық аренада заманауи технологиясы дамыған елдердің қатарынан көргісі келетіндігін аңғартты. Жалпы мұның алғышарты бұдан алдыңғы жылы-ақ жасалған болатын. Атап айтар болсақ, 2025 жылдың қыркүйек айында Қазақстан Президенті Қасым-Жомарт Тоқаевтың Жарлығымен «Цифрлық даму, инновациялар және аэроғарыш өнеркәсібі министрлігі» «Жасанды интеллект және цифрлық даму министрлігі» болып қайта құрылған еді. Енді міне, Жылқы жылы түгел осы саланың дамуына арналып отыр. Әсіресе, жасанды интеллектінің мейлінше жандануына аса мән берілмек. Сондықтан оқырман назарына ұсынылатын бүгінгі материалымыз да осы жасанды интеллект жайында болмақ.