«26 жыл еңбек өтіліммен 73 мың теңгемен шықтым»: әскери зейнеткер зейнетақысына налыды

Сұлтан Қамалетдинов Мәжілісте 2020 жылға дейін қолданыста болған әлеуметтік кепілдікті қайтаруды ұсынды

Sarbaz.kz редакторы

09/02/2024 - 17:42

Фото: Informburo.kz

Бүгінде әскерилердің табысы, зейнетақысы, әлеуметтік жағдайы өзекті мәселелердің бірі болып тұр. 26 жылын әскери салаға арнаған зейнеткер зейнетақысына кейіс білдірді, деп хабарлайды Sarbaz.kz.

«26 жыл стажбен 73 мың теңгемен шықтым, тау-тас аралап, бүкіл денсаулықты армияға бердім. Қаңтарда 7 мың қосылып, 80 мыңға жетті. Тараз», - деп жазды TikTok желісін қолданушы.

Айта кетейік, осыған дейін Қорғаныс министрінің бірінші орынбасары – Қарулы Күштер Бас штабының бастығы Сұлтан Қамалетдинов Парламент Мәжілісінде 2020 жылға дейін қолданыста болған әлеуметтік кепілдікті қайтаруды ұсынған. Ал бұл әлеуметтік кепілдікте қандай жағдайлар жасалған?

@sarbaz__kz
Әскерилерге базалық зейнетақыны қайтару ұсынылды ҚР Қорғаныс министрінің бірінші орынбасары – Қарулы Күштері Бас штабының басшысы Сұлтан Қамалетдинов 2016 жылғы 1 қаңтардан кейін жұмыстан шығарылған күш органдарының зейнеткерлеріне базалық зейнетақыны, сондай-ақ әскери-медициналық бөлімшелерде медициналық көмек алуды қайтаруды ұсынды. «Сержанттар мен офицерлер құрамының әскери қызметшілері жылына бір рет санаторий-курорттық емдеуден өтуі тиіс. Тегін тамақтанудан басқа, далалық жиындарға қатысқаны үшін ақшалай сыйақы қарастыруды, әскери қызмет өтілі 25 жыл болатын әскери қызметшілерге қалауы бойынша еңбек сіңірген жылдарына сәйкес, зейнетке шығуға рұқсат беруді ұсынамыз», - деді Парламентаризм институтының жария заңнама орталығының бас маманы Нұржан Сәулен. Айтылған ұсыныстар жинақталып, Үкіметке жіберілетін болады.
♬ оригинальный звук - SARBAZ.KZ