Ол ауруханаларды жөндеумен айналысатын компаниялардан пара алған
Фото: Marvin Recinos/AFP/Getty Images
Ресейде сыбайлас жемқорлыққа қатысы бар деген күдікпен Мәскеу облысы үкімет басшысының бұрынғы бірінші орынбасары Светлана Стригункова ұсталды. Бұл туралы Sarbaz.kz тілшісі DW басылымына сілтеме жасап хабарлайды.
Басылым мәліметінше, аймақтық үкіметте денсаулық мәселесін қадағалаған экс-шенеунік ауруханаларды жөндеумен айналысатын компаниялардан кемінде 150 миллион рубль пара алды деген күдікке ілінген. Тінту кезінде одан ірі көлемдегі ақша және көптеген сәнді бұйымдар мен бағалы заттар тәркіленді. Ал оның өзі кінәсін жоққа шығарады.
Стригункова 2020 жылдың қаңтарынан бастап Мәскеу облысының денсаулық сақтау министрі болды. Ол 2021 жылдың мамырында вице-премьер лауазымында денсаулық сақтау саласына жауапты болды және 2024 жылдың наурызында өз еркімен қызметінен кетті.
Стригункованың пара алуы туралы бұрынғы қызметкері айтып берді.
«Коммерсант» газетінің жазуынша, тергеу Стригункованың пара алғаны туралы Мәскеу облысының денсаулық сақтау министрінің бұрынғы орынбасары Александр Захаровтан білген, ол да қаңтарда дәл осындай сомада 150 миллион рубль пара алғаны үшін ұсталған. Кінәсін мойындап, ол, кейбір дереккөздерге сәйкес, сотқа дейінгі ынтымақтастық туралы келісімге отырды, оның аясында ол Стригунковаға қарсы куәлік жасап, ақшаның бір бөлігін бергені туралы айтты.
Айта кетейік, кеше Ресей қорғаныс министрінің орынбасары ірі көлемде пара алды деген күдікпен ұсталған болатын.