КХДР құрлықаралық баллистикалық зымыранын ұшырған болатын
Оңтүстік Корея жұма күні Пхеньянның құрлықаралық баллистикалық зымыран ұшыруына жауап ретінде КХДР-дан төрт жеке және үш заңды тұлғаға біржақты санкциялар енгізді, деп хабарлайды Sarbaz.kz.
«Солтүстік Кореяның Корея түбегі мен халықаралық қауымдастықтың бейбітшілігі мен қауіпсіздігіне қауіп төндіретін ұзақ қашықтықтағы баллистикалық зымыранды ұшыруына жауап ретінде үкімет ядролық және зымырандық бағдарламаларды қаржыландыруға және әзірлеуге қатысатын төрт жеке тұлға мен үш ұйымға біржақты санкциялар енгізу туралы шешім қабылдады», - делінген Оңтүстік Корея СІМ таратқан ақпаратта.
Төрт жеке тұлғаның арасында бұрынғы және қазіргі жоғары лауазымды шенеуніктер, оның ішінде КХДР Армиясының Бас саяси бюросының бастығы Чон Кен Таек бар.
Министрліктің мәліметі бойынша, санкцияланған үш компанияның ішінде Африка мен Таяу Шығыстағы құрылыс бизнесімен айналысатын Солтүстік Корея сауда фирмасы да бар болып шықты.
Айта кетейік, Оңтүстік Корея әскери күштері мен Жапонияның қорғаныс министрлігі сәрсенбі күні таңертең КХДР құрлықаралық баллистикалық зымыранды ұшырды деп мәлімдеген болатын.
Өз кезегінде Пхеньян бейсенбіде сынақ жүргізілгенін растады.
