Баллистикалық зымыран биыл осымен үшінші рет ұшырылды
Америка Құрама Штаттары сынақ аясында Minuteman III континентаралық баллистикалық зымыранын ұшырды. Бұл туралы ғарыш күштері базасының мәлімдемесінде айтылды, деп хабарлайды Sarbaz.kz.
Баллистикалық зымыран Калифорниядағы Ванденберг әуе күштерінің базасынан Тынық мұхиты жағалауы уақыты бойынша сағат 01:26-да ұшырылды. Зымыранның оқтұмсығы 6,8 мың шақырымға жуық ұшып, Орталық Тынық мұхитындағы Кважалейн атоллының жанындағы америкалық полигонға құлады.
Бұл америкалық Minuteman III-тің биылғы үшінші сынағы.
Сынақ қарсаңында Пентагонның баспасөз хатшысы Патрик Райдер мақсат АҚШ-тың ядролық күштерінің, сондай-ақ ядролық тежеу күштерінің дайындығын көрсету екенін айтты. Оның айтуынша, америкалық тарап ұшыруға дайындық туралы Мәскеуге алдын ала хабарлаған.
Ол сондай-ақ бұл әдеттегі сынақ екенін және бірнеше жыл бұрын жоспарланғанын қозғап өтті.
