OpenAI компаниясы кейбір ірі жаңалықтар басылымдарының контентіне қол жеткізуге мүмкіндік беретін келісім жасады
OpenAI компаниясы News Corp медиа конгломератына тиесілі кейбір ірі жаңалықтар басылымдарының контентіне қол жеткізуге мүмкіндік беретін келісім жасады, деп хабарлайды Sarbaz.kz тілшісі Reuters Агенттігіне сілтеме жасап.
Келісім OpenAI-ге Wall Street Journal, MarketWatch, The Times және тағы басқа басылымдардың ағымдағы және мұрағатталған мазмұнына қол жеткізуге мүмкіндік береді.
Бұл келісім Financial Times Оpen AI-мен жасанды интеллект модельдерін әзірлеу контентін лицензиялау туралы келісімге қол қойғаннан бірнеше апта өткен соң жасалды. Сондай-ақ, өткен аптада Reddit платформасымен контентке қол жеткізу туралы келісім жасалды.
Мұндай серіктестік ЖИ үлгілерін оқыту үшін маңызды және дәстүрлі түрде контентті таратудан табыс табатын интернет алпауыттарынан пайданың үлесін алмаған жаңалықтар агенттіктері үшін пайдалы болуы мүмкін екендігі аталып өтті.
