Ауған балаларының миналарға жарылған оқиғалары көп болған
Кеңес Одағының медицина қызметкерлері Ауғанстанның жергілікті тұрғындарына көмек көрсетпейтін. Дәрігерлер мен медбикелер тек Одақтың әскери қызметкерлерін емдеді, деп түсіндірді Sarbaz.kz сайтына 1985 жылдан 1988 жылға дейін Ауғанстанда қызмет еткен қазақстандық дәрігерлер.
Тек біздің сарбаздар бен офицерлерді емдедік. Жалғыз нәрсе, Кеңес әскері шығарар алдында жергілікті тұрғындарға көмектесуге бардық. Гемосорбция операциясы – бұл қанды тазарту. Ал былай душмандармен де, тұрғыгдармен де байланыста болмадық, - дейді Кабулда қызмет еткен медбике Алма Әбілқасымова.
Дегенмен оның әріптесі Жалалабадтағы ауған балаларына медициналық көмек көрсеткенін айтады.
Бізге минаға жарылған балалар келіп түсетін. Олар түнде отын жинауға шығып, өз миналарына жарылып жататын. Сөйтіп бізге балаларды әкелетін, - деп еске алады Гүлжанар Садықова.
Медбикелер душмандармен кездеспеген, себебі негізінен әскери бөлімде уақыт өткізетін. Алайда бірде олар оқтың асында қалған. Бұл туралы Sarbaz.kz сайтының подкастынан толығырақ білуге болады.
