Ханчдоудағы (Қытай) Азия ойындарында семсерлесу бойынша жарыстар өтті, деп хабарлайды Sarbaz.kz.
Сапында Руслан Құрбанов, Эльмир Әлімжанов, Ерік Сартай, Вадим Шарлаимов бар семсерлесуден Қазақстанның ерлер құрамасы Азиада-2023 күміс медалін жеңіп алды.
Финалда біздің спортшылар Жапония командасынан жеңілді. Қорытынды есеп – 36:35.
Бұл Азия ойындарындағы Қазақстан командасының семсерлесудегі үшінші медалі.
Кеше біздің спортшылар командалық жарыста қола жүлдеге ие болды.
Ал бір күн бұрын шпажист Эльмир Әлімжанов жекелей сында 3-орын алды.
Осылайша қазіргі кезде Қазақстан қоржынанда 26 медаль болды (3 алтын, 4 күміс және 19 қола жүлде).
