Финал 27 қыркүйек күні өтеді
Қытайдың Ханчжоу қаласында өтіп жатқан Азия ойындарында спорттық гимнастикадан Аида Бауыржанова мен Әмина Халимарден көпсайыстың шешуші сынына жолдама алды. Бұл туралы Sarbaz.kz елорда әкімдігінің ресми сайтына сілтеме жасап хабарлайды.
Астаналық Аида Бауыржанова іріктеу кезеңінде 48.665 ұпай алса, Әмина Халимарден 44.499 ұпай олжалап, XIX жазғы Азия ойындарының финалына шықты.
Қытайдағы құрлықтық доданың әйелдер арасындағы көпсайыстың шешуші кезеңі 27 қыркүйек күні өтеді.
