Бибарыс Спатай Парижде өтетін жарысқа қатысады
Германияның Дуйсбург қаласында пара каноэдан әлем чемпионатында қазақстандық спортшы Бибарыс Спатай KL2 200 м қашықтығында сәтті өнер көрсетті, деп хабарлайды Sarbaz.kz.
Ол Париж-2024 Паралимпиада ойындарының лицензиясына ие болды. Бибарыс финалдық бәсекеде қашықтықты 42,12 секундта аяқтап, 5-орыннан көрінді.
Айта кетсек, пара каноэдан әлем чемпионатында алғашқы алты орыннан көрінген спортшылар Паралимпиада ойындарының лицензияларына ие болды. Әлем чемпионаты Германияда тамыздың 23-27 аралығында өтуде. Жарысқа әлемнің 40 мемлекетінен 110 спортшы қатысуда.
