Жекпе-дек АҚШ-та өтті
Қазақстандық боксшы Абылайхан Жүсіпов (3-0, 2 КО) Талста (США, штат Оклахома) өткен бокс кешінде өнер көрсетті, деп хабарлайды Sarbaz.kz.
Абылайхан бұл кеште никарагуалық Уистон Кампосқа (33-11-6, 19 КО) қарсы шықты. Жекпе-жек жартылай орта салмақта өтіп, 8 раундқа есептелген болатын. Кездесудің 5-ші раундында қазақстандық қарсыласын техникалық нокаутпен жеңді.
Абылайхан Жүсіпов осылайша, өзінің кәсіби мансабында 4-ші рет жеңіске жетті, ал Уинстон Кампос кәсіби рингте 12-ші рет жеңілді.
Әуесқой бокста Абылайхан әлем чмпионатының үш мәрте (2017, 2019, 2021) күміс жүлдегері атанған болатын. Сондай-ақ ол 2017 жылғы Азия чемпионатының күміс жүлдегері.
