Олимпиада ойындары 2024 жылдың 26 шілдесі мен 11 тамызы аралығында өтеді
Қазақстан 2024 жылы Парижде өтетін жазғы Олимпиада ойындарына қатысу үшін ресми түрде шақырту алды. Бұл туралы Sarbaz.kz Мәдениет және спорт министрлігінің баспасөз қызметіне сілтеме жасап хабарлайды.
«ҚР Мәдениет және спорт министрлігі Қазақстан Париждегі XXXIII жазғы Олимпиадаға ресми түрде шақыру алғанын хабарлайды. Ресми құжатты халықаралық Олимпиада комитеті Қазақстан Республикасының Ұлттық олимпиада комитетіне жолдады», - делінген хабарламада.
Олимпиада ойындары 2024 жылдың 26 шілдесі мен 11 тамызы аралығында Франция астанасы - Париж қаласында өтеді.
