Қазақстан премьер-лигасының 2023 жылғы маусымындағы соңғы туры Аза тұту күніне байланысты көрерменсіз өтеді, деп хабарлайды Sarbaz.kz.
«Премьер-лига клубтары арасындағы ҚР чемпионатында 26-турдың барлық матчы көрерменсіз өтеді және ҚКФЛ әнұраны орындалмайды, Мемлекеттік байрақ тутұғырдың ортасына дейін түсіріледі. Матчтар басталмас бұрын Костенко атындағы шахтада болған апаттан қаза тапқандарды бір минут үнсіздікпен еске алу ұйымдастырылады. Сондай-ақ барлық жоспарланған іс-шара (марапаттау рәсімдері, ұтыс ойындары) өткізілмейді. Футбол клубтарының Ticketon.kz платформасында сатылған билет құны толығымен кері қайтарылады, - дейді Қазақстан кәсіпқой футбол лигасының өкілдері.
