Қазақстанда жыл басынан бері 7 әскери қызметкер қылмыс жасаған

Қазақстанда жыл басынан бері 7 әскери қызметкер қылмыстық құқық бұзушылық жасаған. Бұл туралы Sarbaz.kz тілшісі Ranking басылымына сілтеме жасап хабарлайды.

Аталмыш басылым Қазақстанда жастар арасында бір жарым айда болған қылмыстық мәліметтерді жариялады.

Биыл қаңтарда ҚР-да 12-29 жас аралығындағы 1,6 мың адам қылмыстық құқық бұзушылық жасады, бұл бір жыл бұрынғыдан 6,7% аз. Оның ішінде 14-15 жас аралығындағы 19 адам, 16-17 жас аралығындағы 101 адам, 18–20 жас аралығындағы 349 адам, 21–29 жас аралығындағы 1,1 мың адам.

Оның ішінде 226 адам теріс қылық, 1,4 мың адам қылмыс жасаған, оның ішінде 267 адам онша ауыр емес, 577 адам орташа ауырлықтағы, 441 адам ауыр, 73 адам аса ауыр қылмыс жасаған.

Салыстырар болсақ, былтыр сәйкес кезеңде 12-29 жас аралығындағы 1,7 мың адам қылмыстық құқық бұзушылық жасады, бір жылда 25,1% көбейген.

«Көбінесе жастар «Ұрлық» бабы бойынша қылмыстық құқық бұзушылық жасады: 514 адам – бір жыл бұрынғыдан 8,5% аз.

Алаяқтық (267 адам, 1,8% азайған) және ұсақ ұрлық (111 адам, 6,7% азайған) деректері де «танымал» болып шықты. Одан кейін бұзақылық (88 адам), тонау (80 адам), жол қозғалысы немесе көлік құралдарын пайдалану ережелерін бұзу (68 адам) және есірткіні өткізу мақсатынсыз заңсыз пайдалану (57 адам) келеді.

Өңірлер бойынша қылмыстық құқық бұзушылықтардың басым бөлігін 12–29 жас аралығындағы қазақстандықтар оңтүстіктегі халық тығыз орналасқан аймақтарда жасаған. Көбінесе Алматыда мұндай құқық бұзушылықтарды жасаған жастар ұсталды: 294 адам — бір жыл бұрынғыдан 15% аз.

Одан кейінгі орында Астана (207 адам, 3,7% азайған), Алматы облысы (103 адам, 8,8% азайған), Шымкент (93 адам) және Түркістан облысы (86 адам)», - делінген зерттеуде.

ІІМ жастар арасындағы ең қылмыстық топтардың қылмыстық әрекеттерін анықтап, жолын кесу бойынша кешенді жұмыстар жүргізуде. Жақында ІІМ Ұйымдасқан қылмысқа қарсы күрес департаменті осындай екі топтың Шымкент және Павлодар қалаларында ұсталып, қатысушылары қамауға алынғанын, тергеу жүріп жатқанын хабарлады. Көбіне мұндай топтар жасырын сипаттағы қылмыстарды жасайды, яғни топ мүшелерінің қоқан-лоққысынан зардап шеккендер полицияға хабарласпайды.