Қорғаныс министірі Конституция күнімен құттықтады
Руслан Жақсылықов азаматтарға зор денсаулық, отбасыларына амандық және ашық аспан тіледі, деп хабарлайды Sarbaz.kz.
Құрметті сарбаздар мен сержанттар, офицерлер мен генералдар! Қадірлі отандастар!
Қорғаныс министрлігінің жеке құрамының және жеке өз атымнан еліміздің Конституция күнін мерекелеуге орай шын жүректен шыққан құттықтауды қабыл алыңыздар. Жаһандық тарихи ауқымда бұл уақыттың елеусіз кезеңі болса да, Қазақстанның тәуелсіз мемлекет ретінде қалыптасу тарихына қоғамымыз бен мемлекет өмірінің барлық негізгі бағыттары бойынша серпінді даму кезеңі ретінде енеді.
Еліміздің игілігі мен ұрпағымыздың жарқын болашағы үшін мемлекетті қалыптастырудың қағидалары мен негіздері стратегиялық тұрғыдан дұрыстығын уақыттың өзі көрсетіп берді.
Бүкіл әлем алдында біздің халқымыз өзінің ауызбіршілігін, демократиялық мәдениетін көрсетті. Қазақстанның жүріп өткен даму жолы республикада қолданылып жүрген конституциялық модельді дұрыс таңдағанымызды дәлелдеді.
Барлық әскери қызметшілерге, Қарулы күштердің ардагерлеріне, ел азаматтарына зор денсаулық, отбасыларына амандық және ашық аспан тілеймін!
