Тактикалық-арнайы оқу-жаттығу Ыстықкөл облысында өтті
Ыстықкөл облысының Балықшы қаласындағы «Эдельвейс» оқу-жаттығу орталығында екі ел қарулы күштер бөлімшелерінің бірлескен тактикалық-арнайы оқу-жаттығуы өтті. Бұл туралы Sarbaz.kz Қорғаныс министрлігінің баспасөз қызметіне сілтеме жасап хабарлайды.
Орталық Азия өңіріне террористік қауіп төнген жағдайда бірлескен жауынгерлік және арнайы міндеттерді жедел өрістету мен орындау, әскери қауіпсіздікті қамтамасыз ету жөніндегі күштер мен құралдардың әрекеттерін оқу-жаттығуға жұмылған контингенттер іс жүзінде пысықтады.
Қазақстан мен Қырғызстанның Қорғаныс министрлері генерал-полковник Руслан Жақсылықов пен генерал-лейтенант Бақтыбек Бекболотов оқу-жаттығудың белсенді кезеңін бақылады.
Оқу-жаттығу тартылған арнайы бөлімшелердің маршын, маневрлік және жауынгерлік мүмкіндіктерін бағалауға мүмкіндік берді. Оған 60-тың үстінде Қазақстан әскери қызметшілері мен армия авиациясының ұшу экипаждары қатысты.
