1500 метр биіктік: Болашақ ұшқыштар парашютпен секірді

4 курс курсанттары биылғы жылғы алғашқы секірулерін орындады

Админ
24/02/2024 - 21:13

Қорғаныс министрлігінің баспасөз қызметі

Қорғаныс министрлігінің баспасөз қызметі

Аязға қарамастан, 4 курс курсанттары мен Әуе қорғанысы күштері әскери институтының парашютпен секіру командасы биылғы жылғы алғашқы секірулерін орындады, деп хабарлайды Sarbaz.kz Қорғаныс министрлігінің баспасөз қызметіне сілтеме жасап.

Парашютпен секіру – ұшқыштар дайындайтын оқу орнының курсанттарын даярлаудың ажырамас бөлігі. Іс-шаралар институттың оқу авиациялық орталығының парашюттік-десанттық және іздестіру-құтқару қызметі мамандарының басшылығымен өтеді. 

Нақты жағдайда ұшқыш әуе кемесін тастап, секіруі қажет. Сондықтан курсант-ұшқыштар секіру ережесі мен құтқару парашютімен қону тәртібін меңгеруі тиіс. Әскери тағылымдамадан өту үшін авиациялық базаларға жіберілгенге дейін олар міндетті түрде осындай тәжірибеден өтуі тиіс, – деді оқу авиациялық орталығының парашюттік-десанттық және іздестіру-құтқару қызметінің бастығы майор Александр Демченко.

Практикалық сабақтардың алдында міндетті түрде жерде дайындық өтеді. Курсанттар мен парашютшілер орын алуы мүмкін күтпеген жағдайларды пысықтап, теорияда секіру техникасын қарастырды.

Курсанттар 800 метр биіктіктен, D-1-5у парашюттерімен секіруді орындады. Тәжірибелі парашютшілер арнайы мақсаттағы парашют жүйелерін пайдаланып, қону дәлдігін анықтап, 1500 метр биіктіктен секірді.

Тегтер

×

Редакция

$ 452.92  484.99  5.12