Әскери институтта оқушыларға арналған Ашық есік күні өтті
Радиоэлектроника және байланыс әскери-инженерлік институтында Алматы қаласының оқуды аяқтағалы жатқан сынып оқушыларымен кездесу өтті, деп хабарлайды Sarbaz.kz Қорғаныс министрлігінің баспасөз қызметіне сілтеме жасап.
Наурызбай ауданының жалпы білім беретін 7 мектебінің 100-ден аса жоғары сынып оқушысы білім ордасының оқу-материалдық базасымен, оқу үдерісімен, курсанттардың тұратын жерімен, асханада тамақтандыруды ұйымдастырумен танысты. Оқушылар кафедраларға, аудиторияларға, тренажер кешендеріне және оқу-далалық байланыс тораптарына барды.
Іс-шараға курсанттар белсенді қатысып, балалардың көптеген сұрақтарына жауап берді. Олар студенттерге институттың ғылыми және спорттық салалардағы жетістіктері, таңдаған мамандықтары және олардың ерекшеліктері туралы әңгімелеп берді.
Бізге нақты сұранысқа ие мамандықтар оқытылатын әскери институт қатты ұнады. Мұнда оқу өте қызықты екеніне сенімдімін. Экскурсия танымдық болды, менің ойымша, бұл кездесу мамандық таңдауда шешуші болады, – деді № 200 мектеп-гимназиясының оқушысы Уәли Бақытжан.
Айта кетейік, Радиоэлектроника және байланыс әскери-инженерлік институтында түрлі форматтағы үгіт-насихат жұмыстары үнемі өткізіліп тұрады. Мұндай іс-шаралар болашақ талапкерлерге әскери ЖОО-да оқудың ерекшеліктері, туралы толыққанды түсінік алуға, сұрақтар қоюға және білім беру бағытымен шешім қабылдауға мүмкіндік береді.
