Іс-шара Астанада өтті
Қорғаныс министрлігі Халықаралық ынтымақтастық департаментінің бастығы полковник Олжас Құсайынов француз елшілігінің өкілдерімен кездесті, деп хабарлайды Sarbaz.kz.
Шара Францияның Қазақстандағы елшілігі жанындағы әскери атташесі полковник Жан-Филипп Тардьенің миссиясының аяқталуына байланысты ұйымдастырылды.
Әскери ынтымақтастық саласындағы Ж-Ф.Тардье қызметінің қорытындыларын талқылағаннан кейін Қазақстандағы Францияның жаңа әскери атташесі полковник Роберт Аземанды таныстырды.
Халықаралық ынтымақтастық департаментінің бастығы полковник Олжас Құсайынов Жан-Филипп Тардьеге Қазақстан Қорғаныс министрінің орынбасары атынан алғыс хат жолдап, жаңадан тағайындалған әскери атташе полковник Роберт Аземанға жаңа саладағы қызметіне табыс тіледі.
