Әскери техника әрдайым дайын болу қаже
Десанттық-шабуылдау әскерлерінің жөндеу-қалпына келтіру базасының мамандары жауынгерлік техникаға қызмет көрсету және жөндеу машықтарын шыңдауда, деп хабарлайды Sarbaz.kz Қорғаныс министрлігіне сілтеме жасап.
Ең ұтқыр әскердің бөлімдері мен бөлімшелерінің жауынгерлік дайындығы көбінесе олардың жұмысына байланысты.
68602 әскери бөлімнің командирі, полковник Дамир Аппазовтың айтуынша, жақында материалды-техникалық қамтамасыз ету базасы жөндеу-қалпына келтіру базасы болып қайта құрылды.
Осыған орай техниканы жөндеу мамандарына деген қажеттілік пайда болды. Сондықтан оларды дайындау мақсатында басқа бөлімдердегі жауынгерлер мен мамандарды тарта бастадық. Біздің базада біліп жетілдіріп, жаттығу жасау үшін барлық жағдай жасалған. Мамандар танк пен автомобиль техникасын, сондай-ақ зымыран-артилериялық қару-жарақты жылдам әрі орташа жөндеуге машықтанады, - деді ол.
Дамир Аппазовтың айтуынша, 2024 жылғы күзде «Бұзылмайтын бауырластық» оқу-жаттығулары өтеді. Сол жерде осы базадағы мамандар өз кәсіби біліктілігін барынша көрсетеді.
