40 күндік әскери даярлықтан өту: қойылатын талаптар

Түрлі себептерге байланысты әскерге бара алмай қалған азаматтар 1 жылдың бағдарламасын 40 күнде үйрететін әскери техникалық мектептен дайындықтан өтіп, әскери билет ала алады, деп хабарлайды Sarbaz.kz тілшісі.

Негізгі мақсат – Қазақстан қарулы күштеріне әскери техникалық мамандар дайындау. Ақылы түрде әскери дайындықтан – жасы 24-27 жас аралығындағы азаматтар, денсаулығы жарамды, әскери міндетін атқаруды кейінге шегеру құқығына ие жігіттер ғана өте алады. Оқу мерзімі 40-42 күн немесе 280 сағаттан тұрады.

40 күндік әскерге қабылдау ережелері:

• 2017 жылдың 15 маусымындағы өзгертулер бойынша азаматтың жас мөлшері 24-27 жас аралығында болуы керек;
• егер осы талапқа сай келсеңіз, тұрғылықты жеріңіз бойынша қорғаныс істер бөліміне арыз жазасыз;
• медициналық комиссиясың тексерісінен өтуге міндеттісіз;
• 263 318 теңге мемлекеттік ақы төленуі шарт.
• 40 күндік әскердің артықшылығы қандай?
• 10 ай 20 күнді үнемдейсіз;

егер отбасылы болсаңыз, 18:00-06:30 аралығында, аптаның барлық күнінде үйіңізге барып-қайтуыңызға мүмкіндік бар;

1 жылдық әскердің тексеріс комиссиясынан денсаулығыңызға байланысты өте алмай қалсаңыз, 40 күндік әскери даярлыққа келе аласыз. Мұндағы медициналық комиссияның тексеріс талаптары жеңілдетілген.

• 40 күн ішінде жауынгер не үйренеді?
• әскери өмірмен танысады;
• казармалық тәртіпке үйренеді;
• бекітілген уақыт аралығында 2 рет сынақ алаңында ату жаттығу жұмысынан өтеді;
• күнделікті әскери сабақ, дәріс тыңдайды;
• тактикалық, саптық, оқ ату тәжірибесінен өтеді.