Қорғаныс министрі Мәжіліс кулуарында мәлімдеме жасады
Қазақстандық әскерилер бітімгерлік миссиямен Голан биіктеріне жіберілуі мүмкін. Таяу Шығыстағы аумақ осылай аталады, оның басым бөлігін Израиль, ал қалғанын Сирия басқарады, деп хабарлайды Sarbaz.kz.
Бұл туралы бүгін Мәжіліс кулуарында Қорғаныс министрі Руслан Жақсылықов қазақстандық әскери қызметшілердің бітімгершілік қызметі туралы сұраққа жауап берді.
«Бізде қазірдің өзінде уағдаластықтар бар, Қазақстан Қарулы күштері мен мемлекетіміз жүргізіп жатқан саясаттың құрметіне бізде құзырет бар және Голан биіктерінде бітімгершілік миссиясын өткізу мәселесін пысықтап жатырмыз», - деді Жақсылықов.
Айта кетейік, Голан биіктігі – Таяу Шығыстағы аймақ. Қазіргі уақытта оның басым бөлігін Израиль, ал шығыс бөлігін Сирия басқарады. Голан биіктігі туралы заң 1981 жылы 14 желтоқсанда Кнессет (Израильдің бір палаталы заң шығарушы органы) ратификациялады. Ол халықаралық деңгейде сынға ілінді және БҰҰ Қауіпсіздік Кеңесінің 1981 жылғы 17 желтоқсандағы №497 қарарына сәйкес жарамсыз болып саналады.
