Оқиға салдарынан зардап шеккендер медициналық мекемеге жеткізілді
Астана полициясы елордадағы аялдамада болған жол апатының мән-жайы туралы ақпарат таратты, деп хабарлайды Sarbaz.kz.
Айта кетейік, бүгін таңертең Байтұрсынұлы көшесіндегі аялдамада тұрған адамдарды көлік қағып кеткен болатын.
«29 қыркүйек күні сағат 08:31-де Mercedes-Benz автокөлігінің жүргізушісі Байтұрсынов көшесімен Жүргенов көшесіне қарай жүріп, қайта құру кезінде Mazda маркалы автокөлікке апаттық жағдай туғызды. Mazda автокөлігінің жүргізушісі рульді басқара алмай аялдама кешеніне соқтығысты», - деп хабарлады Астана қалалық полиция департаментінің баспасөз қызметі.
Оқиға салдарынан зардап шеккендер медициналық мекемеге жеткізілді, тергеу амалдары жүргізілуде.
