21 қыркүйектегі аукционда әлемдік мұнай бағасы төмендеп жатыр
Қазақстан қор биржасының (KASE) мәліметінше, 15:30-дағы жағдай бойынша доллардың орташа сараланған бағамы тағы 2,78 теңгеге қымбаттап, 475,96 теңге болды, деп хабарлайды Sarbaz.kz.
Қытай юанінің орташа сараланған бағамы да 65,04 теңгеге (+0,35) дейін көтерілді.
Еуро бағамын Ұлттық банк 506,11 теңге, рубльді 4,9 теңге деп белгіледі.
Ақша айырбастау орындарында доллар 476,5-479,5 теңге, еуро 506,5-511,3 теңге, ресей рублі 4,79-4,99 теңге аралығында саудаланып жатыр.
Ал 21 қыркүйектегі аукционда әлемдік мұнай бағасы төмендеп жатыр.
ICE Futures электрондық саудасында Brent маркалы мұнайдың қарашадағы фьючерстерінің құны 1,12%-ға төмендеп, барреліне 92,48 доллар болды.
NYMEX электрондық саудасында WTI маркалы мұнайдың қарашадағы фьючерстері 1,14%-ға төмендеп, барреліне 88,64 доллар болды.
