Бұл визасыз режим бойынша жасалмақ
Мәжіліс депутаттары Қазақстан мен Қытай Үкіметтері арасындағы екі мемлекеттің азаматтарына қатысты ақпарат алмасу туралы келісімді ратификациялау туралы заң жобасын қабылдады, деп хабарлайды Sarbaz.kz.
Тиісті келісімге Мемлекет басшысының Қытай Халық Республикасына сапары аясында биыл 17 мамырда қол қойылды. Ішкі істер министрі Ержан Сәденовтың айтуынша, құжат төрт бағыт бойынша ақпарат алмасуды көздейді:
«Бұл ақпарат елдерге қос азаматтықпен күресу және заңсыз көші-қон арналарының жолын кесу үшін қажет», - деп түсіндірді министр.
Ержан Сәденовтің айтуынша, бүгінгі таңда Әзербайжан, Беларусь, Қырғызстан, Тәжікстан және Өзбекстанмен осындай екіжақты келісімдер жасалған.
«Келісімде егемендікке, қауіпсіздікке қауіп төнген жағдайда және заңнамаға қайшы келген жағдайда сұрау салуларды орындаудан бас тарту көзделгенін атап өтемін», - деп толықтырды Сәденов.
Мәжілістің тұрақты комитеттері заң жобасы бойынша оң қорытындылар ұсынды.
«Келісімді ратификациялау біздің елдеріміз арасындағы екіжақты ынтымақтастықты одан әрі дамытуға және нығайтуға ықпал ететін болады», - делінген қорытындыда.
Айта кетейік, осыған дейін Қазақстан мен Қытай өзара визасыз келісімге қол қойған болатын.
