Гаутенг провинциясындағы қар өткен аптаның соңында ОАР-ға келген суық ауа ағындарынан жауған
Йоханнесбург – Оңтүстік Африка Республикасы астанасының тұрғындары дүйсенбі күні таңертең ерекше көрініске куә болды. Қалада соңғы 10 жылдан бері алғаш рет қар жауды, деп хабарлайды Sarbaz.kz тілшісі Africa News-ке сілтеме жасап.
Синоптиктердің мәліметінше, қалаға және Оңтүстік Африканың таулы аудандарына суық ауа ағыны келген.
Метеоқызмет жұртшылыққа жолдардың жабылуы мен қауіпті төменгі температура туралы ескертті.
Гаутенг провинциясындағы қар өткен аптаның соңында ОАР-ға келген суық ауа ағындарынан жауған.
Мұндай ауа райы – теңіз деңгейінен 1700 метр биіктікте орналасқан Йоханнесбург үшін сирек жайт. Соңғы рет қар мұнда 2012 және 1996 жылдары жауған.
BBC News мәліметінше, бір апта бойы ауа райы салқын болады.
Қар бірқатар провинцияларда, оның ішінде Шығыс Кейп, Мпумаланга және Йоханнесбург пен Соуэто кіретін Гаутенг аймағында тіркелді.
