Өңірлер бойынша кофе бағасының ең жоғары жылдық өсімі Түркістан облысында көш бастап тұр
2023 жылғы қаңтар-мамыр айларында өңделген шай мен кофе өндірісі 8,7 мың тоннаны құрады, бұл 2022 жылғы қаңтар-мамыр айларымен салыстырғанда 35,2%-ға көп. Бір жыл бұрын өндіріс, керісінше, 18,2%-ға төмендеген. Бұл туралы Sarbaz.kz тілшісі Ranking.kz сайтына сілтем жасап хабарлайды.
Биыл маусым айының қорытындысы бойынша кофе бір айда 1,2%-ға қымбаттаса, шай 0,2% қымбаттаған. Бір жыл ішінде кофе 20%, шай 14%-ға қымбаттады.
Өңірлер бойынша кофе бағасының ең жоғары жылдық өсімі Түркістан облысында бірден 40,5%, одан кейін Ақмола және Маңғыстау облыстарында – тиісінше жылына 38,5% және 36,1%.
Шай бағасы айтарлықтай Қызылорда облысында (жылына 28,7%), сондай-ақ Шымкент (27,2%) және Абай облысында (21,4%) қымбаттады.
Бұл сергітетін сусындардың ішінде ең үлкен өсім еритін кофе бағасында байқалады: бір жылда – 20,1%.
Одан кейін кофе дәндері (ұнтақталған) бағасы 18,5%, жасыл шай 17,1%, ұзын жапырақты қара шай 13,7% қымбаттады.
