Олар жаттығуларға 10 күн жұмсайды
Елордалық мерзімді әскери қызметшілер қайта даярлықтан өтіп, далалық біліктілігін арттыру үшін кезекті әскери дайындықтан өтуге жиналды. Бұл туралы Sarbaz.kz Астана әкімдігінің ресми сайтына сілтеме жасап хабарлайды.
Оқу-жаттығу жиыны әскери борышын өтеп келгендер үшін өткізілді. Олардың барлығы – 78.
Олар жаттығуларға 10 күн жұмсайды, бағдарламаны сәтті меңгергендер оқу нәтижесі бойынша келесі атаққа ие болады.
«Қазір мен кіші сержантпын. Енді сержант шенін алу үшін оқу-жаттығу жиынына бара жатырмын. Мен үшін бұл карьералық өсу. Жалпы, әскер маған кәсіби бағытты таңдауға көмектесті. Мен инженермін. Қызмет еткенімде менің өнерім бірден бағаланып, оқуымды бітірген соң жұмысқа орналастым. Қазір бәріне ризамын, сондықтан әскери салада карьералық өсуді ойлап жүрмін», - дейді оқу-жаттығу жиынына шақырылған Әлімхан Айдарбек.
Оқу-жаттығу жиынында запастағы жеке құрамға күзет ротасын арнайы орналастыру, жауынгерлік үйлестіру, күзет пен объектілерді қорғауды ұйымдастыру бойынша сабақтар өтеді.
«Олар жауынгерлік жағдайға жақын жағдайда дайындықтан өтеді. Бұған шатырларда тұру, далалық асүй, армияның күнделікті тәртібі және көптеген практикалық жаттығулар кіреді. Сондай-ақ, он күннің бірінде алған дағдыларын көрсету керек», - деді Астана қаласы әкімінің әскери қауіпсіздік және қорғаныс жөніндегі көмекшісі, подполковник Мейрам Елшібаев.
