Оқиға 4 қыркүйек күні болған
Түркияда жол апатына ұшыраған отбасының отағасы ауруханада қайтыс болды. Бұл туралы Sarbaz.kz ҚазАқпарат агенттігіне сілтеме жасап хабарлайды.
«Растаймыз. Ұлдарын туыстары алып кетті, ол Қазақстанда. Осы отбасының үш мүшесінің мүрделерін бүгін Қазақстанға жібереді», - деді Сыртқы істер министрлігінің ресми өкілі Айбек Смадияров агенттік тілшісіне.
Айта кетейік, 4 қыркүйек күні Түркияның Алания қаласында сафари-көлік пен жеңіл автомобильдің соқтығысуы салдарынан журналист, «Зейін Атырау» ерекше балаларды оңалту орталығының негізін қалаған Арайлым Бағытжан мен 2 жасары қызы оқиға орнында қайтыс болды.
Ал отбасының отбағасы жансақтау бөліміне түскен еді. 2014 жылы туған ұлы да ауруханада болды. Оның денсаулығына аса қауіп төнбеген.
