Жаңа Экология министрі тағайындалды

Хабарлама Ақорда сайтында жарияланды

Sarbaz.kz редакторы

05/09/2023 - 16:48

Фото ашық дереккөзден

Жаңадан Экология және табиғи ресурстар министрі тағайындалды, деп хабарлайды Sarbaz.kz.

«Ерлан Нұралыұлы Нысанбаев Қазақстан Республикасының Экология және табиғи ресурстар министрі лауазымына тағайындалсын», - делінген Ақорда хабарламасында.

Айта кетейік, Ерлан Нысанбаев 1961 жылы Алматы облысында дүниеге келген. Қазақ Еңбек Қызыл Ту орденді ауыл шаруашылығы институтын, Абай атындағы Қазақ ұлттық педагогикалық университетін бітірген.

Еңбек жолын 1983 жылы бастаған. Түрлі жылдары коммерциялық сектор мен мемлекеттік құрылымдарда жұмыс істеді.
2014-2019 жж. – ҚР ауыл шаруашылығы вице-министрі;
2019-2021 жж. – ҚР экология, геология және табиғи ресурстар вице-министрі қызметін атқарды;
2021-2023 жж. – Сәкен Сейфуллин атындағы Қазақ агротехникалық университетінің стратегиялық даму және халықаралық байланыстар жөніндегі басқарма төрағасының орынбасары;
2023 жылдың наурызынан бастап Астана қаласы әкімінің кеңесшісі.

Тегтер

#тағайындау #министр #экология #Экология және табиғи ресурстар министрлігі

Жаңа Экология министрі тағайындалды

Тегтер

Редакция