Жуырда Астана қаласы бойынша техникалық және кәсіптік білім беру ұйымдары арасында Ұлы Жеңістің 80 жылдығына арналған «Үздік креативтік сабақтан тыс іс-шара» байқауы өткізілді.
Бұл байқауға Кеңес Одағының Батыры, Халық қаһарманы, Армия генералы С.Нұрмағамбетов атындағы әскери колледждің тарих пәнінің мұғалімі Маманова Шарапат Тұрсынбайқызының ұйымдастыруымен 3 оқу ротасы 1 және 4 оқу взводының ұландары қатысты. «Жеңіс тарихы» атты іс-шара квест тур түрінде өткізілді. Экскурссиялық тур ретінде өткізілген квестте ұландар 3 маршрут бойынша жүрді. «Естелік қабырғасы» атты бірінші маршрутта ұландар Ұлы Жеңіс тарихын зерделеу үшін әскери колледж кітапханасына аялдады. «Жеңіс тарихы» атты екінші маршрутта ұландар колледж акт залында «Рейхстагқа ту тіккен қазақ батыры» атты Халық қаһарманы Рақымжан Қошқарбаевтың ерлігі туралы драмалық қойылым көрсетті. «Тарихи жәдігерлер» атты үшінші маршрутта ұландар колледждің мұражайына аялдады. Мұражайда ұландар Армия генералы Сағадат Нұрмағамбетовтің соғыс жылдарындағы ерліктері, естеліктері, жетістіктері мен еңбектері туралы кеңірек мағлұмат берді. Бұл іс-шара ұландардың патриотизмін күшейтуге, тарихи құндылықтарды бағалауға, оларға тарихи мұраны сақтауға үйретті. Ең бастысы адамзат тарихында болған ең сұрапыл соғыс Ұлы Отан соғысында Жеңіске жеткен еліміздің батырларының есімдерін дәріптеуге, ерліктерін мәңгі жадыда сақтауға, руханияттарын өркендетуге барынша ықпал етті.
Ұлы Жеңістің 80 жылдығына арналған «Үздік креативтік сабақтан тыс іс-шара» байқауында техникалық және кәсіптік білім беру ұйымдары арасында Армия генералы С.Нұрмағамбетов атындағы колледждің тарих пәні мұғалімі «Үздік педагогикалық идея» номинациясы бойынша «І дәрежелі» дипломмен марапатталды. Іс-шараға 3 оқу ротасы 1, 4 оқу взводының ұландары Ислам Қабылов, Нұрбол Алгибаев, Сағынтай Сағымбек, Нұрсұлтан Абат; Ерсұлтан Балмағамбет, Әмзехан Сәтжан, Нұрсұлтан Камал белсенділік танытып, бұл байқауда жеңіс туын көтерді.
Альмира ЖАБАЕВА,
Армия генералы С.Нұрмағамбетов атындағы
әскери колледждің ТжИЖ бөлімінің маманы
