53975 әскери бөлімінде Қонаев гарнизонының Әскери полиция бөлімінің алдын алу бөлімшесінің бастығы әділет майоры Д.Бақытбектің қатысуымен 53975 әскери бөлімінің мерзімді қызметтің әскери қызметшілерімен сабақ өтті.
Сабақ барысында Қонаев гарнизонының Әскери полиция бөлімінің алдын алу бөлімшесінің бастығы әділет майоры Д.Бақытбек сарбаздарға әскери қылмыс санатына жататын Қазақстан Республикасы Қылмыстық кодексінің «Әскери қылмыстық құқық бұзушылықтарды», «Бұйрыққа бағынбау немесе оны өзгедей орындамау», «Бастыққа қарсылық көрсету немесе оны қызметтiк мiндеттерiн бұзуға мәжбүрлеу», «Бөлімді немесе қызмет орнын өз бетімен тастап кету», «Қашқындық», «Әскери қызметті атқарудан жалтару немесе бас тарту», «Әскери қызметшiлер арасында бағыныштылық қатынастар болмаған кезде олардың арасындағы өзара қарым-қатынастардың жарғылық қағидаларын бұзу», «Әскери мүлiктi қасақана жою немесе бүлдiру», «Әскери мүлiктi жоғалту» және Қазақстан Республикасы Қарулы Күштерінің басқа да әскерлері мен әскери құралымдарының Тәртіптік жарғысының талаптары, тағы да басқа сол сияқты көптеген баптар сарбаздарға жеткізілді.
Тәрбие және идеологиялық жұмыс бөлімінің (арнайы насихат және идеологиялық жұмыс жөніндегі) аға офицері подполковник А.Калиев әскери тәртіп бөлімнің жауынгерлік әзірлігін қамтамасыз ететін басты шарттардың бірі екені, әскери тәртіп әрбір әскери қызметшінің өз әскери борышын және өз Отаны – Қазақстан Республикасын қорғауға деген жеке жауапкершілігін сезінуіне, өз халқына шексіз адалдығына негізделетіні ерекше аталып өтті.
Сабақ соңында сержанттар құрамымен жұмыс жөніндегі қызметі, база сержанты – қызмет бастығы 2 сыныпты сержант Е.Р.Сабуров сарбаздарға: «Сіздерге ең қасиетті борыш жүктелген. Отан қорғаудан артық міндет жоқ. Армия – мемлекеттің берік қорғаны. Ұлан-байтақ жерімізді қорғау үшін дайындығымыз жоғары болуы керек» деп сөзін аяқтады.
А.ҚАЛИЕВ,
подполковник
