Қаза болғандар мен зардап шеккендер жоқ
«АрселорМиттал Теміртау» компаниясына қарасты «Саран» шахтасында түнде өрт шығып, арнайы құтқару тобының көмегімен барлық кеншілер аман-есен жер бетіне шығарылған, деп хабарлайды Sarbaz.kz.
2023 жылғы 27 тамызда сағат 01:55-те «Саранская» шахтасынан өрт шығып, апатты жою жоспары енгізілді. Өрт сөндірілді. Барлық жұмысшылар жер бетіне шықты. Зардап шеккендер жоқ, себептері мен мән-жайы анықталыр жатыр, - деп мәлімдеді АрселорМиттал Теміртау баспасөз қызметі.
Еске сала кетейік, 17 тамыз күні сағат 10:05-те өрт Қарағанды облысындағы «Қазақстан» шахтасында тұтанған болатын. Апат кезінде жер астында 227 кенші болды. 222 адамды жер бетіне жедел көтеру мүмкін болды, сегізі зардап шекті. Шахтаның астында қалып қойған бес кеншінің денесі табылды.
