Қарулы Күштердің Жетісу гарнизонындағы десанттық-шабуылдау бригадасының әскери қызметшілері парашютпен жоспарлы секіруді орындады. Олардың ішінде алғашқы секірісті орындағын сегіз қыз бар.
Қыздардың бәрі 37-ші десанттық-шабуылдау бригадасында бір жылдан астам уақыт қызмет етіп келеді. Парашютпен секіру жауынгерлік дайындық элементтерінің бірі болып саналатындықтан, олар үшін секіру қиындық тудырмады.
– Жауынгер қыздар екі ай бойы секіруге дайындалды. Д-6 4 сериялы парашют жүйесінің барлық тактикалық-техникалық сипаттамалары мен құрамдас бөліктерін, дұрыс оралуын мұқият үйренді, - дейді бригада командирінің әуе-десанттық дайындық жөніндегі орынбасары подполковник Данияр Сыдықов.
Бригада командирі полковник Алмас Төлегенов алғашқы секіруді орындаған десантшы қыздарды құттықтап, гүл шоқтарын және алғыс хаттарды табыстады.
Жетісу гарнизонының баспасөз қызметі
