Оған 3500-ден астам әскери қызметші қатысып жатыр
Жаттығуға НАТО-ға мүше 22 мемлекеттен және Солтүстік Атлантикалық альянстың серіктес елдерінен 3500-ден астам әскери қызметші қатысып жатыр. Нақтырақ айтқанда Грузия, Түркия, Ұлыбритания, Әзірбайжан, Бельгия, Болгария, Франция, Германия, Греция, Венгрия, Италия, Иордания, Латвия, Литва, Молдова, Норвегия, Польша, Румыния, Словакия, Испания, Жапония және АҚШ бар, деп хабарлайды Sarbaz.kz.
Америка тарапынан жаттығуларға 173-ші десанттық бригада, 12-ші жауынгерлік авиациялық бригада, 48-ші жаяу әскер бригадасының жауынгерлік бөлімшесі, 54-ші қауіпсіздік күштерін қолдау бригадасы, 122-ші тактикалық қамтамасыз ету отряды және Еуропадағы АҚШ қолбасшылығы қатысады.
Voice America басылымының жазуынша Agile Spirit 2023 жаттығулары Грузияның қорғаныс күштері, АҚШ-тың біріккен күштері, одақтастар және тактикалық деңгейдегі серіктес күштер арасындағы жедел үйлесімділікті арттыруға, көпұлтты ортада операцияларды жоспарлау мен жүзеге асыруда жедел мүмкіндіктерді жақсартуға және нығайтуға бағытталған.
Естеріңізге сала кетейік, Agile Spirit жаттығулары Грузияда 2011 жылдан бері өткізіліп келеді. 2015 жылға дейін Agile Spirit Грузияда АҚШ-тың Грузиямен әскери ынтымақтастығы аясында өткізілді. Олар сондай-ақ Грузия қарулы күштерінің НАТО стандарттарымен үйлесімділігін арттыруға және Грузия әскери күштерін халықаралық бітімгершілік операцияларға қатысуға дайындауға бағытталған.
2015 жылдан бастап Agile Spirit көпұлтты әскери жаттығуларға айналды, ал АҚШ пен Грузия Вазиани полигонында үнемі өтетін жыл сайынғы Жаңа Noble Partner («Лайықты серіктес») бірлескен жаттығуларын бастады.
