«Жаңа баспана»: сарбаздарға арналған бағдарламаның шарттары қандай?

Еліміздегі әскери салада еңбек етіп жүрген азаматтарды тұрғын үймен қамтамасыз ету үшін  «Жаңа баспана» немесе бұрынғы атауы «Әскери баспана» бағдарламасы жұмыс істейді, деп хабарлайды Sarbaz.kz сайтының тілшісі.

Бұл бағдарламаға тұрғын үй төлемдерін алып тұратын, Отбасы банкінде арнайы депозиті бар және бұған дейін тұрғын үй төлемдерін жылжымайтын мүлік сатып алу үшін пайдаланбаған кез келген азамат қатыса алады.

Бағдарлама бойынша несие алу шарттары өзгерген жоқ. Ең төменгі қажетті жинақ сомасы 15%-ға тең. Несие бойынша сыйақы мөлшерлемесі – 8%. Ал кейін 3,5%-ға дейін төмендейді. Несие мерзімі – 25 жылға дейін. Несиенің ең жоғарғы мөлшері – 50 млн теңгеге дейін.

Тұрғын үй төлемдері Отбасы банкінде ашылған арнайы жеке шотқа аударылады. Арнайы жеке шот пен салымды ашу үшін мына құжаттар қажет:

• Жеке куәлік;
• тұрғын үй төлемін алушы туралы анықтама (әскери қызметті өтіп жүрген жердегі Тұрғын үй комиссиясы тарапынан беріледі);
• үшжақты келісімшарт (жұмыс беруші тарапынан беріледі);

«Жаңа баспана» бағдарламасының шарттары бойынша, тек жаңа тұрғын үй сатып алуға болады.