Ол 15-ші БРИКС саммиті аясында сөз сөйледі
Мемлекет басшысы Қасым-Жомарт Тоқаев 15-ші БРИКС саммиті аясында жаһандық жылынудан туындап жатқан проблемалар туралы сөз қозғады, деп хабарлайды Sarbaz.kz.
«Климаттың өзгеруі жаһандық ауқымдағы теріс салдарға әкеліп соғатыны баршамызға мәлім. Соңғы бірнеше жылда Жаһандық Оңтүстік және Орталық Азия елдерінде өте қатты қуаншылық белең алып, басқа да табиғат апаттар жиілеп кетті», - деді Президент.
Ол өз сөзінде осыған орай Қазақстан Шанхай ынтымақтастық ұйымында 2024 жылды «Экология жылы» деп жариялауды ұсынып, осы өзекті проблеманы шешу жолындағы ортақ күш-жігерді ұйымдастыруға дайын екенін білдірді.
«ШЫҰ-ның Экология жылын өткізу жөніндегі іс-қимыл жоспары – уақтылы көтерілген бастама. Бұл бастама БРИКС-ке мүше мемлекеттер тарапынан да қолдау табады деп үміттенемін», - деді Тоқаев.
