Күні кеше әскер қатарынан шақырылып, Приозерск гарнизонындағы 06708 әскери бөліміндегі жеке құрамның қатарын толықтырған жас сарбаздар әскери өмірге бейімделу барысындағы жауынгерлік даярлық сабақтарында өздерін жақсы қырынан көрсетіп келеді.
Кезекті атыс дайындығында қару-жарақтан оқ атуды үйрену мен меңгеру мақсатында жас сарбаздар легі сап түзеп, атыс алаңына жеткізілді. Мұнда жас сарбаздың әрқайсысы АК-74 автоматты атыс қаруынан нысананы дәл көздеу жаттығуларын пысықтады.
Өздерінің алға қойған мақсаттарын жүзеге асырудағы көрсеткіш нәтижелерімен бірінен бірі асып түсіп жатты.
Атап айтар болсақ, оқ атудан қатардағы жауынгерлер қатарынан Диас Гафаров 93 ұпай жинаса, Ілияс Орынбеков 94 ұпаймен асып түсті. Арада көп уақыт өтпей, атыс қаруымен нысананы дәл көздеген қатардағы жауынгер Ерсін Маратұлы 98 ұпаймен алдына жан салмай, жас сарбаздар қатарынан үздік атанды.
Алда жас сарбаздар салтанатты түрде Әскери ант қабылдайды. Ендеше, сап түзеген жас сарбаздар қадамына бірауыздан сәттілік тілейміз!
Приозерск гарнизонының баспасөз хатшысы
Думан Жұмашұлы
