Еліміздің барлық өңірінен Гвардейск гарнизонының танк бригадасына жаңа сарбаздар легі келді. Жаңа сарбаздарды әскери оркестрдің үнімен карсы алды. Болашақ танкішілерге бөлімше командирін, оның жеке құрамын таныстырып, олар қызмет ететін әскери бөлімнің тарихы туралы айтылды.
Бірінші күннен бастап жас сарбаздар әскери өмір мен тәртіптің негіздерімен, танк әскерлеріндегі қызметтің ерекшеліктерімен, қауіпсіздік ережелерімен және саптық дайындықпен таныстырылады. Сабақтарды ең тәжірибелі және жоғары деңгейдегі офицерлер мен сержанттар жүргізеді.
«Біздің міндетіміз – әрбір әскерге шақырылушыға қызметте өзін жүзеге асыруға, табанды мінезді дамытуға және танк әскерлерінің үздік дәстүрлерін сіңіруге көмектесу. Жаңа толықтыру біздің бөлімшелеріміздің жауынгерлік қабілетін одан әрі нығайтатын негіз болатынына сенімдіміз», - деп атап өтті бригада командирі подполковник Асхат Шайкенов.
Тәжірибелі әскери қызметшілердің қолдауы мен тәлімгерлігі әскерге шақырылушыларға армияның өмір сүру жағдайына тезірек бейімделуге және одан әрі қызмет ету үшін негіз болатын маңызды дағдыларды сәтті игеруге көмектеседі.
«Мен Жамбыл облысы, Меркі ауданынан келдім. Менің ауданымда да әскери бөлім бар. Мен мектеп оқушысы кезімде әскерде қызмет ететін және әскери форманы мақтанышпен киетін әскери қызметшілер мен сарбаздарды жиі көрдім. Бұл менің арманым еді. Енді менде Отан алдындағы борышымды өтеуге мүмкіндік туды және оған дайынмын. Биылғы жыл маған көп пайдалы болатынына сенімдімін», - деп өз ойымен бөлісті жас сарбаз Нұрым Серікжан.
Жас жауынгер курсын аяқтағаннан кейін әскерге шақырылушылар ант қабылдайды. Бұл Қазақстан Қарулы Күштерінің қатарына ресми кіруін білдіреді.
Гвардейск гарнизонының
баспасөз қызметі
