Бүгінгі таңда “Бір тұтас ел – бір тұтас жер” қағидаты өндірістің әр салаларымен қатар әскери құрылымдарда да кеңінен насихатталады. Олай болуы түсінікті де. Ел де, жер де кез келген азамат үшін ең жоғарғы ұғымдардың бірі. Міне, осы бағытта Ұлытау облыстық қорғаныс істері жөніндегі департаментінде әртүрлі кешенде іс-шаралар өткізіліп тұрады.
Сондай іс-шаралардың бірі Қарулы Күштер ардагерлері мен әскерге шақырушылар арасында өтті. Бұл жолы азаматтарды әскерге шақыру пунктінде облысымызға қарасты Ұлытау, Жаңаарқа аудандарынан, Жезқазған, Сәтбаев, Қаражал қалаларынан ҚР ҰҚК-нің шекара қызметіне әскер қатарына шақырылатын жастармен Қарулы күштердің және Чернобыль апатының ардагері, «Дарын» Мемлекеттік жастар сыйлығының және Қазақстан Журналистер одағы сыйлығының лауреаты Жүніс-Бек Марат Жүнісбекұлы мен департамент қызметкері, ардагерлермен жұмыс жөніндегі қызмет инспекторы Құдайқұлов Айберген Тұрлыбайұлы кездесіп, әскери өмір жайында және әскери-патриоттық бағытта тағылымды әңгімелерін айтып, болашақ Отан қорғаушыларына ақ батасын берді.
Кездесу барысында әскери жазушы Марат Жүніс-Бек Кеңес Одағының Батыры Сабыр Рақымов атындығы «Жас ұлан» республикалық мектебінің 40 жылдық мерейтойына арнап шығарған кітабымен таныстырып, білім ордасының өткені мен бүгінгі жайлы сыр шертті. Жастардың әскери қызметке және арнаулы оқу орындарына түсуіне шақырды.
Подполковник С.Уткелбаев,
Ұлытау облыстық Қорғаныс істері жөніндегі департамент бастығының тәрбие және идеологиялық жұмыстар жөніндегі орынбасары
