Қазақстан Республикасы Қорғаныс министрлігінің Шымкент әскери-техникалық мектебінде "Әскери ант қабылдау" салтанатты жиыны өтті.
Шараға "Қарулы Күштер ардагерлері" РҚБ Шымкент филиалының мүшелері, Шымкент қалалық Қорғаныс істер жөніндегі департаменті қызметкерлері, Ардагерлер коалициясының мүшелері, ардагерлер және ұстаздар қатысты.
Жиналғандар алдында "Қарулы Күштер ардагерлері" РҚБ Орталық Кеңесі төрағасының орынбасары және Шымкент қаласының Құрметті азаматы, әрі қалалық Қорғаныс істері жөніндегі департаментінің қызметкері отставкадағы полковник Онбаев Серікбай Мейірбайұлы, "Желтоқсан ақиқаты" РҚБ Шымкент қалалық филиалының төрағасы Оспанова Гүлмира Болатқызы және басқалар жастарды қуанышты күндерімен құттықтап, ізгі тілектерін жеткізді.
Іс-шара соңында аталған әскери-техникалық мектебінің бір топ мұғалімдері мен әскери қызметте және қоғамдық жұмыстарға белсене қатысқаны үшін бірқатар сарбаздар Ардагерлер коалициясы атынан қоғамдық кеуде белгілерімен және "Алғыс хаттармен" марапатталды.
Марат ЖҮНІС-БЕК
