Жас ұрпаққа патриоттық тәрбие: даладағы оқу-жаттығу жиынының маңызы
«Жас жеткіншектеріңізді көрсетіңіз, мен
сіздердің болашақтарыңызды айтып берейін»
Әл-Фараби
БҚО Сырым ауданына қарасты «Абай мектеп - бөбекжай- балабақша кешені» базасында «Далалық оқу- жаттығу жиыны» өткізілді. Оқу - дала жиынының негізгі мақсаты – Қарулы Күштердің мәртебесін арттыру, оқушылардың алған білімдерін пысықтау. Далалық жиынға 100 ге жуық оқушы қатысып, оқушылардың жауынгерлік рухын көтеріп, патриоттық сезімін арттырды. Жас ұрпаққа – адамгершілік-рухани тәрбие беру - қазіргі кезде білім берудің өзекті мәселесі. Қазақстан Қарулы Күштер қатарын рухы мықты, отаншылдық сезімі күшті, елін, жерін жан – тәнімен сүйетін, қиындықтан қаймықпайтын, сана сезімі жоғары жауынгер сарбазбен толықтырып отыру біздің міндетіміз. Біздің алдағы мақсатымыз –Отан алдындағы азаматтық борышты өтеу қасиетті парыз екенін жас ұрпаққа жеткізе білу. Әскери патриоттық тәрбиені кеншенді жүргізіп, оны мектеп оқушыларына кеңінен насихаттау және жасөспірімнің бойына кеңінен сіңіру – қазіргі уақыттың талабы. Жас ұрпақты отансүйгіштікке, Отанды қорғауға тәрбиелеу – алтын ұя мектептен бастау алады. Сол арқылы Қарулы Күштердің бүгінгі жағдайы, бағдары, келешегі түсіндіріледі. Оқу - жаттығу жиынының жастарға берер тағылымы мол. Бұл шара ертеңгі ел тізгінін ұстайтын жас ұрпақтың патриоттық сезімін оятып, ел үшін аянбай қызмет етуге баулиды. Осы іс – шараның ашылу салтанатына Сырым ауданы әкімінің орынбасары Артур Шерғалиев, Сырым ауданы білім беру бөлімінің басшысы:Тайшиев Досжан Ересұлы, аудандық ҚІЖБ бастығы подполковник: Марат Түимебекович Сарсеев және аудандық білім беру бөлімінің дене шынықтыру және АӘТД пәндерінің әдіскері Раймов Қуаныш Қайрушович қатысты. Далалық жиынның бағдарламасы бойынша аудандық мектептер ішіннен В.И.Шубин атындағы орта мектеп оқушылары үздік деп танылып, аудандық білім беру бөлімінің басшысы: Досжан Тайшиев, аудандық ҚІЖБ бастығы подполковник: Марат Сарсеев мектеп командасына сәттілік тілеп, медалдармен,құрмет грамоталарымен марапаттап, АӘТД пәнінің оқытушы –ұйымдастырушысы Кузаиров Мурадым Джамбуловичке «Жеңіс кубогын» табыс етті.Осы жиынның өтуіне атсалысқан барлық әскери жетекшілерге «алғыс хат» пен «мақтау грамоталарымен» марапаттап, жастарды тәрбиелеуде жетістіктерге жетеберулеріне тілектерін білдірді. Далалық жиынды ұйымдастыруға атсалысқан: Сырым ауданы әкімінің орынбасары Артур Шерғалиев, Сырым ауданы білім беру бөлімінің басшысы:Тайшиев Досжан Ересұлы, аудандық ҚІЖБ бастығы подполковник: Марат Түимебекович Сарсеев және аудандық білім беру бөлімінің дене шынықтыру және АӘТД пәндерінің әдіскері Раймов Қуаныш Қайрушовичке айтар алғысымыз шексіз.
АӘТД пәнінің оқытушы - ұйымдастырушы: Ергенболат Құрмашұлы Самарханов. БҚО Сырым ауданы, Талдыбұлақ мектебі.
