Қырымдағы жағдай: зымыран қалдықтары құлап, 4 адам қаза болды

Сол сияқты 150-ден астам адам жараланған

Админ
28/06/2024 - 15:35

Фото: korrespondent.net

Фото: korrespondent.net

Украина ұшырды деген зымыранның Севастополь жағажайына құлауы қасақана жасалған шабуыл болуы мүмкін емес. Бұл туралы Sarbaz.kz тілшісі Bild басылымына сілтеме жасап хабарлайды.

Жексенбі күні оккупацияланған Қырымдағы Учкуевка жағажайына зымыран қалдықтары құлады. Төрт адам қаза тауып, 150-ден астамы жараланған. Бастапқыда Ресей Украинаның ATACMS зымыранын атып түсіргенін мәлімдеді. Бірақ кейін Мәскеу бұл нұсқадан бас тартып, Киевті қасақана шабуыл жасады деп айыптады.

Аталмыш басылымның сарапшысы Юлиан Репке мынандай болжам жасады:

  • Жағажай әскери аэродромнан оңтүстікке қарай 4 км және Әскери-теңіз күштері базасынан солтүстікке қарай 3 км жерде орналасқан. Осыған дейін Украина Ресей Қарулы Күштерінің Қырымдағы нысандары шабуылдардың нысанасына айналатынын ашық айтып, аймаққа сапар шегудің қауіпті екенін ескерткен.
  • Жағажайда «Тор» зениттік-зымырандық кешенінің фрагменттері табылды, бұл ресейлік әуе қорғанысының жұмысын көрсетеді.
  • Әрбір ATACMS мүмкіндігінше көп зақым келтіруге арналған 950 шағын M74 фрагментациялық қосалқы оқ-дәрілерден тұрады. Зымыран атып түсірілгенде олар жан-жаққа шашырап кеткен болуы мүмкін.
  • Кадрларда фрагменттердің көпшілігі теңізге жағажайдың бойына емес, оның арғы жағына құлағанын көруге болады. Бұл ATACMS басқа нысанаға, мысалы, аэродромға немесе әскери-теңіз базасына ұшып бара жатқанын және жақындаған кезде атып түсірілгенін білдіреді. Сынықтардың аз ғана бөлігі жағажайдың өзіне түскен. Егер Украина Қарулы Күштері туристерге АТАCМS зымыранымен қасақана шабуыл жасаған болса, шығын көп болар еді.

Тегтер

×

Редакция

$ 477.03  521.44  5.43