Ел президенті заң жобасын кері қайтарып алды
Елдегі толқуларға байланысты Кения президенті салық заңын қайтарып алды. Наразылық кезінде 20-дан астам адам қаза тапты. Ондаған адам жарақат алды. Бұл туралы Sarbaz.kz тілшісі Euronews агенттігіне сілтеме жасап хабарлайды.
Кения президенті Уильям Руто наразылықтар кезінде қолданыстағы салықтарды көбейтіп, жаңаларын енгізу туралы заң жобасын кері қайтарып алды. Мемлекет басшысы ұлттық диалогты бастауға уәде берді.
Руто үндеуінде халықты тыңдайтынын және талаптарына көнетінін айтты.
Кенияда аталмыш заң жобасына қарсы наразылықтар бірнеше күн бойы жалғасты. Шерушілер президентті отставкаға кетуге шақырды.
Парламент өзгертілген құжатты қабылдағаннан кейін наразылықтар жаппай тәртіпсіздіктерге ұласты. Шерушілер парламентке басып кіріп, кешеннің бір бөлігін өртеп жіберді. Наразылық кезінде 20-дан астам адам қаза тапты. Ондаған адам жарақат алды. Руто қаза болғандардың отбасыларына көңіл айтты.
