Украина мен Ресей 90-90 формуласы бойынша әскери тұтқындар алмастырғаны белгілі болды
Украинаның қорғаныс министрлігі Бас барлау басқармасының ресми өкілі Андрей Юсов Ресеймен кезекті әскери тұтқындарды алмасу процесі әлі аяқталмағанын айтты. Бұл туралы Sarbaz.kz тілшісі BBC агенттігіне сілтеме жасап хабарлайды.
Сейсенбі күні Украина мен Ресей 90-90 формуласы бойынша әскери тұтқындар алмастырғаны белгілі болды, алайда Юсов айырбастау әлі аяқталмағанын айтты.
«Операция жалғасуда. Осы операция аясында қазірдің өзінде 90 қорғаушымыз қайтарылды. Бірақ бұл әлі аяқталған жоқ. Жақында қосымша мәліметтер болады деп үміттенеміз. Бұл жұмыс әлі де жалғасып жатыр», – деді Юсов.
Украина мен Ресей арасындағы соңғы тұтқын алмасу Ресейдің жаппай басып кіруі басталғаннан бері 53-рет болды.
Өткен алмасу мамыр айының соңында 75-75 схемасы бойынша өтті.
