Рютте қазіргі бас хатшы Йенс Столтенбергті ауыстырады
НАТО елдері Нидерланд премьер-министрі Марк Рюттені ұйымның жаңа бас хатшысы етіп тағайындау туралы шешім қабылдады. Бұл туралы Sarbaz.kz тілшісі BBC агенттігіне сілтеме жасап хабарлайды.
Өткен аптада Рюттенің жалғыз қарсыласы, Румыния президенті Клаус Йоханнис альянс елдеріне өзінің кандидатурасын алып тастайтынын мәлімдеді.
Рютте қазіргі бас хатшы Йенс Столтенбергті ауыстырады. Оның мерзімі қазан айында аяқталады.
Столтенберг өз сөзінде Рюттені «Атлантикалық ынтымақтастықтың шынайы жақтаушысы, сенімді көшбасшы және консенсус құруға қабілетті адам» деп атады.
20 маусымда Рюттенің кандидатурасын альянстың барлық 32 мүшесі мақұлдады. Дегенмен ресми мақұлдау шілдеде Вашингтонда өтетін НАТО-ның келесі саммитінде ғана белгіленеді.
57 жастағы Рютте бұл қызметке Ресейдің Украинаға ашқан соғысы және Дональд Трамп Ақ үйге оралса, қаржыландыруды қысқарту және АҚШ-тың рөлін азайту қаупі жағдайында кіріседі.
Рютте Украинаға әскери көмек көрсетудің сенімді жақтаушысы болып саналады. Оның басшылығымен Нидерланд Киевтің батыс елдері арасында жетекші серіктестерінің біріне айналды.
