Украинаға қарсы соғысты белсенді қолдағандарға санкцияға ұшырады
ЕО-ның ресми журналы ресейлік жеке тұлғалар мен компанияларға қатысты санкциялардың жаңартылған тізімін жариялады. Бұл туралы Sarbaz.kz тілшісі BBC агенттігіне сілтеме жасап хабарлайды.
Украинаға қарсы соғысты белсенді қолдаған актер Иван Охлобыстин мен әнші Шаманға, сондай-ақ әнші Полина Гагаринаға, Ресей әскери-теңіз күштерінің қолбасшысы адмирал Александр Моисеевке, медиаменеджер Арам Габрельяновқа және Шешенстан басшысының анасы Аймани Қадыроваға жеке санкциялар салынды. Тізімде барлығы 116 адам бар.
Санкциялардың 14-ші пакетіне енген ірі компаниялардың қатарында Ресейдің ең ірі кеме қатынасы «Совкомфлот» компаниясы, «Уральские авиалинии» жолаушылар әуе компаниясы және «Волга-Днепр» жүк тасымалы (иедерімен бірге) бар.
Жеке санкцияларға Кремль соғыстан кейін халықаралық Carlsberg концернінен алған «Балтика» сыра қайнату компаниясының президенті Таймураз Боллоев, миллиардерлер Роман Троценко мен Игорь Алтушкин, Ресей-Беларусь одағының мемлекеттік хатшысы Дмитрий Мезенцев те кірді.
Бұрынғы спортшы және тележүргізуші Мария Киселева, қазір Мәскеу қалалық Думасының депутаты, сонымен қатар аннексияланған Қырымдағы «Артек» балалар орталығы және Кремльмен жұмыс істейтін интернетті дамыту институты қазір санкция астында.
