Владимир Зеленский 22 маусымда Ресейдің Харьковке жасаған шабуылдарына байланысты азаматтарға үндеу жасады
Украина президенті Владимир Зеленский сенбі, 22 маусымда Ресейдің Харьковке үш адам қаза тауып, 40-тан астам адам жарақат алған соққыларына байланысты ел азаматтарына үндеу айтты. Зеленскийдің айтуынша, Ресей әскерлері маусым айында Украинада 2400-ден астам реттелетін әуе бомбасын (ҚАБ) қолданған, оның 700-ге жуығы Харьков облысында, күн сайын соққылар жасалады, деп хабарлайды Sarbaz.kz DW-ге сілтеме жасап.
Украина билігі ресейлік шабуылдарға «жауап беру үшін бар күшімен жұмыс істеуде» деді Зеленский.
Украинаға бұл бомбаларды тасымалдаушыларды, атап айтқанда, олар орналасқан ресейлік әскери ұшақтарды жою үшін қажетті құралдар қажет, – деп түсіндірді Украина басшысы.
Осыған байланысты Зеленский Ресей аумағындағы әскери нысандарға шабуыл жасауға тыйымды алып тастаған АҚШ пен Батыс одақтастарына алғыс айтты. Зеленскийдің айтуынша, бұл шешім Харьков облысымен шекарадағы жағдайды «тұрақтандыруға» көмектесті.
Зеленский Украина қалаларын ресейлік бомбалардан қорғау «мүмкін» деп қосты. Бұл үшін Patriot әуе шабуылына қарсы қорғаныс жүйелері, украин ұшқыштарын F-16 жойғыштарын басқаруға үйретудің жеделдетілген қарқыны, сондай-ақ «қару-жарақтың жеткілікті ауқымы» қажет.
