Профессорды қаңтар айында Эстонияның қауіпсіздік полициясы тұтқындап, содан бері қамауда отыр
Эстонияда Тарту университетінің бұрынғы профессоры Ресей пайдасына тыңшылық жасады деген айыппен алты жыл үш айға бас бостандығынан айырылды. Бұл туралы Sarbaz.kz тілшісі Bild басылымына сілтеме жасап хабарлайды.
Таллин соты Ресей азаматын Эстония Республикасына қарсы сыртқы барлау қызметінің мүддесі мен атынан әрекет еткені үшін кінәлі деп тапты. Ғалым елдің ішкі саясаты, қорғаныс саясаты, инфрақұрылымы мен қауіпсіздігі туралы мәліметтер жинаған деген дерек бар.
Профессорды қаңтар айында Эстонияның қауіпсіздік полициясы тұтқындап, содан бері қамауда отыр. Тарту университеті тыңшылық жасады деген айыппен академикпен еңбек қатынастарын тоқтатты.
Ғалым университетте 2010 жылдан бері қызмет етіп келеді. Қауіпсіздік полициясының мәліметінше, ол ресейлік әскери барлау қызметіне тыңшылық жасаған деген болжам бар.
